آنکھوں میں نور دل کا اُجالا حسین ہیں – عزیز الدین خاکی

آنکھوں میں نور دل کا اُجالا حسین ہیں
سرکارِ دوجہاں کا حوالہ حسین ہیں

قربان راہِ حق میں بہتر کو کر دیا
یوں جان دی کہ آج بھی زندہ حسین ہیں

تسکینِ قلب مولیٰ علی ان کی ذات ہے
نورِ نگاہِ فاطمہ زہرا حسین ہیں

صرف ایک حر کی ذات سے ثابت یہ ہوگیا
گرتے ہووں کو جس نے سنبھالا حسین ہیں

صد ہا سلام تم پہ شہیدانِ کربلا
مرنے سے تم کو جس نے بچایا حسین ہیں

سرکار کے نواسوں کے ہیں نام لیوا ہم
سرکار اُن کے ، اپنا سہارا حسین ہیں

خاکی گدائے آلِ نبی ہوں یہ فخر ہے
آقا حسین ہیں مرے آقا حسین ہیں
(عزیز الدین خاکی)​