لذت دردِ مصطفیؐ دے دے میرے ایمان کو جلا دے دے

امتیازاحمدعاقلؔ نقشبندی

لذت دردِ مصطفیؐ دے دے
میرے ایمان کو جلا دے دے

ہر طرف ظلمتوں کا ڈیرا ہے
میرے مالک مجھے ضیاء دے دے

راستے سے بھٹک گیا ہوں میں
گم شدہ مجھ کو راستہ دے دے

ہوگئی ہے ہماری منزل گم
ہم کو منزل کا تو پتہ دے دے

کتنی پستی میں جی رہے ہیں لوگ
بے شعوروں کو یہ پتہ دے دے

جو ہے معمور تیری رحمت سے
میرے سرکو وہی ردا دے دے

عاقلؔ بے عمل کے دل کو بھی
حُبِّ سرکارؐ اے خدا دے دے