مولائےِ کائنات ہے مولا علی کا نام – محدث ہزاروی

مولائےِ کائنات ہے مولا علی کا نام
آیاتِ بینات ہے مولا علی کا نام

اک اسمِ اعظم آپ کا یہ نامِ پاک ہے
تسخیرِ شش جہات ہے مولا علی کا نام

کعبہ میں ولادت ہوئی مسجد میں شہادت
منکر پہ کالی رات ہے مولا علی کا نام

دروازہ شہرِ علم لدنی ،علی کی ذات
یعنی ابوالسادات ہے مولا علی کا نام

محمود فیضِ علم درِ شہرِ علم سے
اک مصدرِ خیرات ہے مولا علی کا نام

(پیر سید محمود شاہ محدث ہزاروی)​