KO YE TAIBA KI YAAD JAB AAYE KYON NA PAHLO ME DIL TADP JAAYE

Madni miyan akhtar Ashrafi

KO YE TAIBA KI YAAD JAB AAYE

KYON NA PAHLO ME DIL TADP JAAYE

INKE HONTON PE GAR HASTI AAYE

CHAND KI CHANDANI BHI SHARMAAYE

TERE MANGATA KAMLIYA WALE

HAIN TERE DAR PE HATH PHAILAAYE

IS KO APNI KHABAR? MAÁZ ALLAH

  NIGAAHE NAAZ JIS PE PAD JAAYE

DASTE RAHAMAT KO YE GAWARA KAHAN

 KHALI CHAWKHAT SE KOI PHIR JAAYE

NOK-E-GAMZAH PE KUCH SITAARE HAIN

IN KI FURQAT KE YE HAIN  SARMAAYE

DIL ME WO AANKH KE DARICHAON SE

MUSKURATE HUE UTAR AAYE

AAJ PHIRTE HAIN UNKE DIWAANE

 TAKHT WA TAAJ SHAHI KO THUKRAAYE

KYA KARE HAM FARAQ KE MAARE

JAB MADINE KI YAAD TADPAAYE

DEKH KAR SABZ JALIYON KA SAMA

 GULSHAN KHULD KIYON NA LALCHAYE

WO MOHAMMED KA AASTANA HAI

KHUD BA KHUD SAR JAHAN PE JHUK JAAYE

RAH KE TAIBA SE DOOR JO GUZRE

HAM TO IS ZINDAGI SE BAAZ AAYE

BOL UTHEN INKI RAHMATEN AKHTAR

HAR MUSIBAT ZADA IDHAR AAYE