Mujhe yaad ate hain Nabi Nabi

jo Nabi par nisaar hota hai
woh barra purmkaar hota hai
jo musalsal darood parhta hai
usko bhi rab se pyaar hota hai
miraaj ki shab hai noorani
mehboob se hai milne ki gharri
mujhe yaad aate hain Nabi Nabi (salla Llahu ‘alayhi wa sallam)

jibril se maula ne yeh kaha
tum jao Madine abhi abhi
mujhe yaad aate hain Nabi Nabi

buraq bahisht se le jao
mehboob ko mere le ao
mujhe yaad aate hain Nabi Nabi

Jibril se rab ne farmaya
khushboo se hawaein tar kar do
hai arsh pe dekho dhoom machi
mujhe yaad aate hain Nabi Nabi

jab soorah e taha ki koi quran mein tilawat karta hai
azaad mera dil ro ro kar tanhai mein aahein bharta hai
mujhe yaad aate hain Nabi Nabi

sahil ne safi ko pohncha di
aur arsh ke zeene pohncha di
bas itni tamanna hai tujh se
Allah Madine pohncha de
mujhe yaad aate hain Nabi Nabi

yeh abr e karam ka saya hai
Aqa ka bulawa aya tha
Allah ne dikhaya shehr e nabi
jab hajj ka mahina aya tha

yeh abr e karam ka saya hai
aqa ka bulawa aya hai
Allah dikha de shehr e Nabi
phir hajj ka mahina aya hai

masjid mein namazein parh parh kar
karte hain dua allah se yehi
dikhla de khudaya khwabon mein
tu mujh ko rukhe anwaar e Nabi

khushboo mein fizaein dhal ti hai
wahan sar se balaein tal ti hain
har waaqt nabi ki basti mein
rahmat ki hawein chalti hain
mujhe yaad aate hain Nabi Nabi

khuda shahid hai woh bazar lagta hai Madine mein
jo dunya mein nahi milta woh milta hai Madine mein
maza kya khaak aye door rah kar aise jeene mein
jo parwane tarpein idhar shamma jale Madine mein