NABI HAI MARKAZE CHASHM ZAMANA BE KHUDI APNI

Madni miyan akhtar Ashrafi

NABI HAI MARKAZE CHASHM ZAMANA BE KHUDI APNI

BADHA DI HAI KISI KI DIL KASHI NE DIL KASHI APNI

HAME KAAFI HAI BAS FIKAR WA NAZAR KI ROSHANI APNI

NA DE AYE CHAND HAM KO CHAR DIN KI CHANDANI APNI

MERA GHAR PHOKANE WALE BADA MAMNOON HON TERA

CHAMAN KI TAIRAGI KO CHAHIYE THI ROSHANI APNI

FIRAQE YAAR!IN AANKHON KA PATHRAANA BHI KYA SHAYE HAI

NA SHAB KI TAIRAGI APNI NA DIN KI ROSHANI APNI

SARE MUZ GAN PE KUCH SAYAL MOTI JAGMAGATE HAIN

ISE MAIN ROSHANI IN KI KAHON YA ROSHANI APNI

MERE AAMAL KIS LAAYAQ HAIN BAS EK AASARA YE HAI

BADE HI BAKHSNE WALE SE HAI WABASTAGI APNI

KISI DASTE KARAM KA EK JURÁA HAM KO KAFI HAI

MITE GI JAM WA SAGAR SE KAHIN TASHANA LABI APNI

ZAMANA LAKH CHAHE HAM KABHI MURJHA NAHI SAKTE

KHUDA KE FAZAL SE BAQI RAHE GI TAAZAGI APNI

PARE PARWAZ IS KE HAM NE KHUD HI KAT DAALE HAIN

FALAK KO BHI NAHI KHATIR ME LAATI THI KHUDI APNI

KHUD ZAHA’FE IMAAN W AMAL NE KAR DIYA PICHE

ZAMAANE KI QIYADAT KAR RAHI THI AAGAHI APNI

MERE ASHÁAR KO MIZAAN FAN PAR TOLNE WALO

FAQAT DIL KI TASALLI KE LIYE HAI SHÁIRI APNI

PATA DETI HAI IS KHURSHID KA MERI DARKHSHANI

MAIN AKHTAR HON NAHI YE ROSHANI HAI ROSHANI APNI