Taj walon ke saron par paye aqdas aap ke

Taj walon ke saron par paye aqdas aap ke
main bhi choomon ga payambar paye aqdas aap ke

aap ke qadmon ke neeche narm pathar ho gaye
kya kahoon Allahu akbar paye aqdas aap ke

sust aur kamro sawari tez ho jati wahin
jab lagate eik thokar paye aqdas aap ke

meri qismat bhi khule gi mere ghar bhi ayein ge
dekhoon ga mein zindagi bhar paye aqdas aap ke

is liye Makkah madina ban gaye dono haram
aa gaye jab banda parwar paye aqdas aap ke

khak pay-e-Mustafa (salla Llahu ‘alayhi wa sallam) ki khai Quran ne qasm
tayyib-o-tahir munawwar paye aqdas aap ke

kya makan ho la makan tak chap hai qadmain ki
sidra-o-raf raf se uppar paye aqdas aap ke

hashr tak mit ta nahi hai mit gaya jo aap par
aye ujagar thaam mit kar paye aqdas aap ke